Туристік инфрақұрылымды дамыту және экопарктер құру мәселелері бойынша кеңес өтті

Кеңес ҚР Президентінің кеңесшісі Бақытжан Сапиевтің жетекшілігімен өтті. Күн тәртібінде "Таза Қазақстан" бағдарламасының жүзеге асырылуы, туристік дестинацияларды дамыту, мемлекеттік орман қорына 2 миллиард ағаш отырғызу, сондай-ақ экопарктер құру мәселелері қарастырылды. Облыс әкімінің бірінші орынбасары Данияр Жаналинов селекторлық режимде кеңеске қатысты.

Туризмнің өсуі

Өткен жылы аймаққа 212 278 турист келген, бұл 25,4%-ға артуын көрсетеді. Қызмет көрсету көлемі 3 миллиард 288 миллион теңгеге жетіп, 42,8%-ға өсті. Туризм мен жергілікті тұрғындарға қолайлы жағдай жасау үшін ауқымды жұмыстар жүргізілуде.

Инфрақұрылымды жаңарту

Теміржол вокзалы мен "Қорқыт ата әуежайында" үш тілде ақпарат беретін виртуалды карталар мен QR кодтар орнатылды. Заманауи музей ашылып, демалыс парктері жаңартылды. Халықтың қауіпсіздігін қамтамасыз ету мақсатында көп адам жиналатын жерлерге он бес 102 және SOS дабыл батырмалары қойылды.

Жобалар мен жаңартулар

Туристік инфрақұрылымды дамыту аясында бес және үш жұлдызды IBIS Qyzylorda, Pana қонақ үйлері салынуда, ал аудандық теміржол вокзалдары жаңғыртылуда. Туристендіру картасына енген 13 нысанда нақты шаралар қолға алынды. Жосалы кентінен Марал баба кесенесіне дейінгі 6,5 шақырым жол жергілікті бюджет есебінен жөнделді.

Геопарктың ашылуы

Байқоңырдағы зымыран ұшырылымын бақылау үшін 400 орындық заманауи киіз үй форматындағы бақылау пункті ашылды. Еліміздегі алғашқы "Арал геопаркі" табиғи және геологиялық мұраны сақтау, тұрақты дамуды қамтамасыз ету, геотуризмді дамыту мақсатында құрылды.