Kaspi Pay арқылы қашықтан төлем: фискалдық чек соғу қажет пе? Карта арқылы төлем немесе мобильді төлемдер?

Кәсіпкерлер арасында Kaspi Pay арқылы төлем қабылдау кеңінен қолданылады. Бұл жағдайда төлем сомалары Kaspi Pay шотына түседі. Мұндайда фискалдық чек соғу керек пе? Және қайсысын таңдау керек: «карта арқылы төлем» ме, әлде «мобильді төлемдер» ме?

ҚР Салық кодексіне жүгінейік.

ҚР Салық кодексінің 166-бабы 1-тармағына сәйкес, Қазақстан Республикасының аумағында ақша есеп айырысулары (оның ішінде Kaspi Pay арқылы төлемдер де) міндетті түрде бақылау-касса машинасын (БКМ) қолдана отырып жүргізілуі тиіс.

Сәйкесінше, Kaspi Pay арқылы ақша қаражатын алған кезде БКМ қолдану және фискалдық чек соғу қажет. Бұл ретте Kaspi QR арқылы немесе қашықтан алынған төлем, егер БКМ-нің техникалық сипаттамалары мүмкіндік берсе, «Мобильді» ретінде көрсетіледі. Мысалы, мұндай мүмкіндік Rekassa-да бар. Ал карта арқылы төлем алған жағдайда «Карта» ретінде көрсетіледі.